Bayede News

Ukuthekelana ngamandla ezwenikazi kungasiza - Nersa

Ngu-Anathi Mtaka

INational Energy Regulator of South Africa (Nersa) ithi kunesidingo sokuhlanganisa uhlaka lwaseNingizimu Afrika lokulawula ugesi nolwamanye amazwe ezwenikazi. INersa ithi lokhu kuzovumela ukuhwebelana okulula nokungeniswa kwemithombo yegesi. Esethulweni ekomitini elibhekelele iMineral Resources and Energy, isikhulu seNersa u-Adv uNomalanga Sithole uthe izinyathelo zokulawula ziyadingeka njengoba igesi eNingizimu Afrika iyancipha.

USithole uthe, “Ukuhlanganiswa kwezinhlaka zokuvumela ukuwela imingcele phakathi kwesifunda iSADC nezwekazi kuyadingeka futhi ikakhulukazi njengoba siveze ukuthi sibhekene nokwehla kwegesi futhi ukuhambisana, uma kwenziwa, kuzosivumela. ukuze ngithole negesi kwamanye amazwe angomakhelwane.”

Ukuqulwa kwecala

INersa iveze izinselelo eziningi ebhekene nazo uma yenze umsebenzi wayo okubalwa ukuqulwa kwamacala kulabo ebaphethe okuhlanganisa no-Eskom. Le nhlangano ithi isisebenzise izigidi ezingama-R62 ukulwa namacala kusukela ngowezi-2020. Izinselelo eziningi zomthetho bezivela emkhakheni kagesi, ikakhulukazi u-Eskom.

USithole utshele iPortfolio Committee ukuthi inselelo enkulu wukungabi bikho komthetho omusha ozobhekana nezimo ezikhona. “Isidingo sokuthi kuphothulwe ukubuyekezwa kwemithetho nemigomo elawula imboni kagesi osekuphele iminyaka eli-13 kuya kweli-15 ingabuyekezwa ekubeni imboni ithuthuka ngesivinini esikhulu. Futhi lokhu kube nenselelo yokuthi kumele silawule lezo zinguquko ezilokhu ziqhamuka kule mboni. Siyalivuma iqiniso ukuthi kukhona inqubekela phambili, nokho, sikholelwa ukuthi ijubane lingasheshiswa.”

IZIMAKETHE ZOMHLABA

zu-za

2022-05-13T07:00:00.0000000Z

2022-05-13T07:00:00.0000000Z

https://bayedenews.pressreader.com/article/281698323342010

Igunundu Press