Bayede News

Sezingahle zihole izisebenzi zikaHulumeni e-Afghanistan

ngu-Anathi Mtaka

Abeqembu iTaliban e-Afghanistan bazoqala ukukhokhela amaholo ezisebenzi zikaHulumeni ezedlulelwe yisikhathi kusukela ngoMgqibelo, kusho izikhulu. Izinkulungwane zabasebenzi wakaHulumeni wase-Afghanistan bakweleta okungenani umholo wezinyanga ezintathu, okungenye yezinkinga eziningi iTaliban ebhekene nazo selokhu inhlangano yathatha izwe ngoNcwaba.

“UMnyango Wezezimali uthi, kusukela namhlanje, amaholo ezinyanga ezintathu ezedlule azo zonke izisebenzi zikaHulumeni azokhokhwa,” kusho umkhulumeli weTaliban uZabihullah Mujahid kuTwitter. Okwamanje bekungakacaci ukuthi izophumaphi imali yokukhokhela amaholo.

Ngisho nangaphambi kokuba abeTaliban bathathe izintambo ngoNcwaba odlule, izisebenzi eziningi zikaHulumeni zithi bezingaholi amasonto. Ngemuva kokuthi inhlangano ithathe izintambo, izigidigidi zamadola ezimali zikaHulumeni wase-Afghanistan ezazipakwe phesheya e-United States nase-Europe zamiswa. Ohulumeni bangaphandle bebengazimisele ukuxhasa abaphathi abaholwa yiTaliban ngqo ukuze basize ngezibopho zezimali ezifana nokukhokhwa kwezisebenzi. Izikhungo zezimali zomhlaba wonke nazo zimise uxhaso.

Ngemuva komhlangano wangoLwesine phakathi kwezithunywa ezikhethekile zaseGermany naseNetherlands kanye nezikhulu zeTaliban eKabul, izithunywa zizwakalise ukuzimisela ukuhlola abasebenzi bezempilo nezemfundo abakhokhayo ngokuqondile ngezinhlangano zamazwe ngamazwe. Akukacaci ukuthi isimemezelo seTaliban ngoMgqibelo sihlobene yini nalokhu.

Omunye umkhulumeli weTaliban, u-Inamullah Samangani, uthe kuTwitter ngoMgqibelo iqoqo lemali engenayo yansukuzonke yabaphathi beTaliban belikhuphuka nsuku zonke. “UMnyango Wezezimali uthi ezinsukwini zokusebenza zokugcina ezingama-78 ezinyangeni ezintathu ezedlule, senze imali elinganiselwa ezigidigidini ezi-26.915 wama-Afghani (R288 000 000), siqoqe ama-Afghani ayizigidi ezingama-557 (R5 900 000) ngoLwesithathu kuphela,” kusho uSangani, ecaphuna uMnyango Wezezimali, wengeza ngokuthi ukukhokhelwa kwempesheni yabasebenzi asebethathe umhlalaphansi nakho kuzoqala maduze.

UMHLABA KULELI SONTO

zu-za

2021-11-26T08:00:00.0000000Z

2021-11-26T08:00:00.0000000Z

https://bayedenews.pressreader.com/article/281835761969439

Igunundu Press